Ambasada e Shteteve të Bashkuara të Amerikës ka reaguar përmes një shkrimi në Facebook rreth tokës në Manastirin e Deçanit.

Ata kanë publikuar një shkrim të ambasadorit amerikan në Prishtinë, Philip Kosnett që vite më parë kishte apeluar autoritetet e Kosovës për të zbatuar vendimin e vitit 2016 të Gjykatës Kushtetuese të Kosovës e cila konfirmoi pronësinë e Manastirit të Deçanit mbi 24 hektarë tokë të përdorur nga manastiri.

“Katër vjet janë shumë të gjata. Respektimi i vendimeve gjyqësore nuk është opsional. Institucionet duhet të zbatojnë vendimin për tokën e Manastirit të Deçanit menjëherë”, thuhej në reagim.




Ndryshe, Gjykata Kushtetuese e Kosovës kishte vendim në maj të 2016-ës për të konfirmuar vendimin e mëparshëm të Gjykatës Supreme në 2012 për konfirmimin e të drejtave të pronësisë së manastirit.