Bartomeu ofroi dorëheqjen nga Barcelona, befason ‘veprimi’ i Messit

E Premte  28 Gusht 2020 14:28 |
Bartomeu ofroi dorëheqjen nga Barcelona, befason ‘veprimi’ i Messit

Lionel Messi nuk i është përgjigjur ende ofertës nga presidenti i Barcelonës, Josep Maria Bartomeu.

Josep Maria Bartomeu ofroi dorëhqjen nëse kjo nënkupton se Lionel Messi do të mbetet në Barcelonë.

Futbollisti dhe babai i tij ishin informuar për “ofertën”, por për momentin asnjëri prej tyre nuk është përgjigjur.

Duket se Messi ende dëshiron të largohet nga Barcelona, shkruan “Sport”.

Messi pritet të japë mendimin e tij rreth gjendjes aktuale së shpejti.

Por, tani për tani nuk dihet nëse Messi do të komunikojë mesazhin e tij edhe pse sipas burimeve të ‘Sport”, kjo mund të sqarohet shumë shpejtë.

Asnjëra palë nuk dëshiron të zbrapset. Bartomeu nuk dëshiron ta shesë Messin e as ta lejojë largimin e tij si futbollist i lirë.

Në anën tjetër, Messi është i vendosur të kërkojë largimin derisa spekulohet se mund të bashkohet me Pep Guardiolën në Manchester City.

Në ditët e ardhshme, Messi pritet të paraqitet për teste PCR të dielën. Të hënën, Ronald Koeman do ta udhëheqë seancën e parë stërvitore si trajner i Barcelonës.