Amir Rrahmani po zhvillon një sezon fantastik te Napoli. Futbollisti dardan vitet e fundit ka luajtur ndeshje të rëndësishme me fanellën e vendit të tij, duke fituar përvojë ndërkombëtare, e vënë në shërbim edhe të skuadrës napolitane. Rrahmani ka dashur të shprehë zhgënjimin për qëndrimin e shtypit, medias dhe ndoshta tifozëve italianë, pasi sipas tij është vlerësuar pak.

“Po të isha italian, të gjithë do të flisnin për mua. Kështu kam menduar gjithmonë. Me sa duket, kombi im nuk është shumë i konsideruar në aspektin futbollistik. Kjo do të thotë që duhet të punoj më shumë për të tërhequr vëmendjen e kritikëve”

Trashëgimtari i Koulibaly? Është përgjegjësi e madhe, sepse Kalidou është lider. Por nëse kjo ndodh, nuk do të ketë probleme. Do të jetë privilegj”, u shpreh Rrahmani.